ताजा समाचार
सूचना
भूमे गाउँपालिका गाउँ कार्यपालिकाको कार्यालयका लागि आगामी आर्थिक वर्ष २०७६/०७७ मा आवश्यक पर्ने सामान तथा सेवा खरिद गर्न सार्वजनिक खरिद ऐनको दफा ६ (क) तथा सार्वजनिक खरिद नियमावली २०६४ को नियम १८ (संशोधन सहित) मा भएको व्यवस्था बमोजिम तपसिलको कार्य गर्न इच्छुक व्यक्ति, फर्म, संस्था वा कम्पनीले आ.व. २०७४/०७५ को व्यवसाय नवीकरण भएको प्रमाणपत्र, करचुक्ता प्रमाणपत्र सहित स्थायी लेखा नम्बर र मूल्य अभिवृद्धि करमा दर्ता भएको प्रमाणपत्रको प्रतिलिपी सहित सार्वजनिक खरिद नियमावली २०६४ को अनुसूची २(क) बमोजिमको ढाँचामा निवेदन दिनु हुन र आर्थिक वर्ष २०७४/०७५ मा यस कार्यालयमा सूची दर्ता गरेका तथा आर्थिक वर्ष २०७५/०७६ मा समेत अद्यावधिक गर्न चाहने व्यक्ति, फर्म, संस्था वा कम्पनीले आ.व. ०७४/०७५ को कर चुक्ता र व्यवसाय नवीकरणको प्रमाणपत्रको फोटोकपी संलग्न गरी नियमानुसार निवेदन दिनु हुन जानकारी गराइन्छ ।
तपसिल
सम्पादन गर्नुपर्ने कामको विवरणः
- मसलन्द छपाई तथा कार्यालय सामान आपूर्ति,
- फर्निचर तथा फर्निसिङ सामान आपूर्ति तथा मर्मत सम्बन्धी कार्य,
- मेशिनरी औजार (कम्प्यूटर, प्रिन्टर, फोटोकपी, मेशिन आदि) तथा इलेक्ट्रिकल सामान आपूर्ति तथा मर्मत
- सवारी साधन (कार, जिप, भ्यान, मोटर साइकल आदि) का पार्ट पूर्जा आपूर्ति तथा मर्मत सम्बन्धी कार्य,
- विज्ञापन प्रकाशन तथा प्रशारण सम्बन्धी सेवा,
- भवन मर्मत सम्भार एवं निर्माण सम्बन्धी सेवा,
- कुरियर सेवा,
- प्रशासनिक विषयहरुसँग सम्बन्धित अध्ययन, अनुसन्धान तथा विभिन्न विषयसँग सम्बन्धित सफ्टवेयर निर्माण/मर्मत तथा आपूर्ति र सूचना प्रविधि सम्बन्धी विभिन्न परामर्श सेवा,
- फूलका विरुवा सप्लाई लगायत बगैचा व्यवस्थापन सम्बन्धी कार्य ।
प्रमुख प्रशासकीय अधिकृत
भूमे गाउँपालिका, गाउँसभाको बैठकमा अध्यक्ष श्री रामसुर बुढा मगरज्यूद्वारा मिति २०७६ असार ०२ गते प्रस्तुत भूमे गाउँपालिकाको आर्थिक वर्ष २०७६/०७७ को नीति तथा कार्यक्रम
तत्कालिन माओवादी लडाकु हिडेको बाटो पहिचान गरी भुमे गाउँपालिकाले सोमबार गुरिल्ला अल्ट्रा दौड संचालन गरेको छ । रुकुम पूर्वको महत, धर्मशाला, लुकम, खावाङ र रोल्पाको थवाङ, जलजला लगायतका ठाउँलाई जोड्ने बाटोमा अल्ट्रा दौड गराइएको हो ।
युद्ध पर्यटन प्रवद्र्धनका लागि विभिन्न गतिविधि गरिरहेको र सोही अन्तरगत दौड संचालन गरिएको भुमे गाउँपालिका अध्यक्ष रामसुर बुढाले बताए । ‘युद्धका बेलामा प्रयोग भएका धेरै संरचनाहरु रहेका छन्,’ उनले भने, ‘तिनैको प्रवद्र्धनका लागि विभिन्न कार्यक्रम भइरहेका छन् । त्यसै अन्तरगत गुरिल्ला अल्ट्रा दौड संचालन गरेको हौँ ।’ समग्र पर्यटन विकासका लागि पनि युद्ध पर्यटनलाई प्रमुखताका साथ अगाडि बढाइएको उनको भनाई छ ।
कुनै समय युद्धले थिलथिलो बनेको यो ठाउँलाई युद्धका अवशेष देखिने खालका संरचना निर्माण गरी पर्यटन विकासलाई पहिलो प्राथमिकता राखिएको उनले बताए । प्रतियोगिता प्रवद्र्धनका लागि अल्ट्रा म्याराथनकी अन्तर्राष्ट्रिय धाविका मीरा राई नै रुकुम पूर्व पुगिन् । हाई अल्टिच्युड भएका क्षेत्रहरुमा संचालन हुने नेपाल सिरिजमा ४ वटा दौड मध्ये यो एक भएको उनले बताइन् ।
पूर्व माओवादी लडाकु समेत रहेकी राईले गुरिल्ला अल्ट्रा दौडले यहाँको युद्ध पर्यटन विकासमा टेवा पुर्याउने विश्वास व्यक्त गरिन् । पछिल्लो समय सडकका नाममा जथाभावि डोजर चलाउनाले ट्रेकिङ रुटहरु मासिदै गएकोमा उनले चिन्ता जनाइन् । तत्कालिन नेकपा माओवादीले संचालन गरेको १० वर्षे शसस्त्र युद्धका बेला देशमै चर्चामा रहेको रुकुमको महत चर्चामा थियो । माओवादीले महतबाट नेपाल प्रहरीका तत्कालिन डिएसपी ठुले राईलाई अपहरण गरेका थिए ।
शान्ति स्थापना भइसकेपछि यो ठाउँको प्रवद्र्धनका गर्न शान्ति स्तम्भ र युद्धको झल्को दिने संग्रालय निर्माणका काम भए । गुरिल्ला ट्रेल सुरु भएको भुमे ६ महतमा मात्र तत्कालिन युद्धमा ५८ जनाले ज्यान गुमाएका थिए । उक्त ठाउँमा गाउँपलिकाले शान्तिका सन्देश दिन गौतम बुद्धको स्तुपा बनाएको छ भने युद्धको झल्को दिने खालको संग्रालय पनि बनाएको छ ।
५० जना धावकहरुले प्रतिस्पर्धा गरेको दौडमा निर्धारित ५२ किलोमिटरको दुरी ६ घण्टा २५ मिनेट १५ सेकेण्डमा पुरा गर्दै रुकुम पश्चिमका दुर्गाराज बुढा प्रथम, ६ घण्टा २८ मिनेट २८ सेकेण्डमा दुरी पुरा गर्दै सोलुखुम्बुका सुमन कुलुङ दोस्रो र ६ घण्टा ४९ मिनेट ४ सेकेण्डमा निर्धारित दुरी पार गरि रुकुम पूर्वका मुहन केसी तेस्रो भए ।
त्यस्तै ५२ किलोमिटरकै महिला तर्फ प्युठानकी हुमी बुढामगर पहिलो, धादिङकी रसिला तामाङ दोस्रो र भोजपुरकी अनिता राई तेस्रो भईन । पुरुषमा ३५ र महिलामा १६ जनाले प्रतिस्पर्धा गरेकाे खेल संयाेजक सुनिल राेकाले बताए ।