स्रोत अनुमान तथा बजेट सीमा निर्धारण समिति

भूमे गाउँपालिकाको आगामी आर्थिक वर्षको बजेट तथा कार्यक्रम तर्जुमा प्रक्रियालाई व्यवस्थित, यथार्थपरक र उपलब्ध स्रोतसाधनमा आधारित बनाउन स्रोत अनुमान तथा बजेट सीमा निर्धारण समितिको कार्यविवरण

1. गाउँपालिकाको समग्र आर्थिक अवस्था, आन्तरिक आय, राजस्व परिचालनको अवस्था तथा उपलब्ध वित्तीय स्रोतको विश्लेषण गर्ने।

2. आगामी आर्थिक वर्षका लागि संघीय सरकार, प्रदेश सरकार तथा अन्य स्रोतबाट प्राप्त हुन सक्ने वित्तीय समानीकरण अनुदान, सशर्त अनुदान, समपूरक अनुदान, विशेष अनुदान तथा राजस्व बाँडफाँटको अनुमान गर्ने।

3. गाउँपालिकाको आन्तरिक राजस्व, राजस्व बाँडफाँट, रोयल्टी, अन्य आय तथा नगद मौज्दातसमेतका आधारमा आगामी आर्थिक वर्षको कुल स्रोतको अनुमान गर्ने।

4. आगामी आर्थिक वर्षमा सञ्चालन गर्नुपर्ने अनिवार्य दायित्व, चालु खर्च, प्रशासनिक खर्च, तलबभत्ता, सामाजिक सुरक्षा तथा अन्य प्रतिबद्ध खर्चको आकलन गर्ने।

5. आगामी आर्थिक वर्षको कुल अनुमानित स्रोत र उपलब्ध वित्तीय साधनका आधारमा गाउँपालिकाको कुल बजेटको सीमा निर्धारण गर्ने।

6. गाउँपालिका, वडा कार्यालय, विषयगत शाखा, इकाइ तथा सेवा केन्द्रका लागि बजेटको सीमा निर्धारण गरी बजेट तर्जुमाका लागि मार्गदर्शन गर्ने।

7. विषयगत क्षेत्र, पूर्वाधार विकास, आर्थिक विकास, सामाजिक विकास, सुशासन तथा संस्थागत विकास र वातावरण तथा विपद् व्यवस्थापनलगायतका क्षेत्रमा बजेट विनियोजनका आधार तथा प्राथमिकता निर्धारण गर्ने।

8. गाउँपालिकाको आवधिक योजना, मध्यमकालीन खर्च संरचना, वार्षिक नीति तथा कार्यक्रम र दिगो विकासका लक्ष्यसँग तालमेल हुने गरी बजेट सीमा निर्धारण गर्ने।

9. स्थानीय आवश्यकता, जनसहभागिता, सेवा प्रवाहको अवस्था, विकासको प्राथमिकता तथा भौगोलिक सन्तुलनका आधारमा बजेट विनियोजनका लागि सुझाव दिने।

10. संघीय तथा प्रदेश सरकारबाट प्राप्त मार्गदर्शन, बजेट तर्जुमा सम्बन्धी कानुनी व्यवस्था र प्रचलित मापदण्डअनुसार बजेट सीमा निर्धारण गर्ने।

11. सम्भावित स्रोतको यथार्थपरक अनुमान गरी स्रोत सुनिश्चित नभएका कार्यक्रम तथा योजनामा बजेट प्रस्ताव हुन नदिन आवश्यक आधार तयार गर्ने।

12. आगामी आर्थिक वर्षको बजेट सीमा निर्धारण गर्दा चालु तथा क्रमागत योजनाको दायित्व, अधुरा आयोजना र बहुवर्षीय प्रतिबद्धतालाई ध्यान दिने।

13. निर्धारण गरिएको बजेट सीमाभित्र रही वडा कार्यालय, विषयगत शाखा तथा सम्बन्धित इकाइबाट योजना तथा कार्यक्रम प्रस्ताव गर्न आवश्यक निर्देशन दिने।

14. प्राप्त योजना तथा कार्यक्रम प्रस्तावहरूको प्राथमिकता, सम्भाव्यता, औचित्य र उपलब्ध स्रोतका आधारमा बजेट तर्जुमा प्रक्रियालाई सहजीकरण गर्ने।

15. स्रोत अनुमान तथा बजेट सीमा निर्धारणसम्बन्धी आवश्यक विवरण, तथ्याङ्क तथा अभिलेख तयार गरी सुरक्षित राख्ने।

16. स्रोत अनुमान तथा बजेट सीमा निर्धारणसम्बन्धी प्रतिवेदन तयार गरी प्रचलित कानुनबमोजिम गाउँपालिकाको बजेट तथा कार्यक्रम तर्जुमा प्रक्रियामा पेस गर्ने।

17. प्रचलित कानुनबमोजिम समितिलाई तोकिएका अन्य कार्यहरू गर्ने।